Burdinola martxan

Igandero

Gehiago irakurri

BASERRIAK

Erreizabal Artzantzaren Ekomuseoa, Ogiaren txokoa eta errota, Aikur Erle Museoa

Gehiago irakurri

Langileen ibilbidea

1950eko bidaia, aiton-amonen eskola, etxebizitza eta Chillida lantokia ezagutu

Gehiago irakurri

Burdinola Martxan

Euskal Burdinaren Museoa

Chillida Lantokia

Erreizabal, artzaintzaren ekomuseoa

Igaralde, Ogiaren txokoa

Aikur, Erleen mundua

Burdinola Martxan
Beharrezko bisita duzu Mirandaolako Burdinola, Gipuzkoako ondare garrantzitsuenetariko bat izateaz gain, bertan Euskal Herri osoan dagoen ikuskizun bakarra ezagutzeko aukera izango baituzu: XVI. mendeko jantziekin olagizonek makineria martxan jartzen dute, urak hauspo erraldoiak mugitzen ditu eta mailuak gori-gori dagoen burdina lantzen dute. Burdinolaren ondoan Mirandaolako Kapera kokatzen da, Gurutze Santuaren mirariaren oroitzapenaren leku. Bisita amaitzeko, olagizonek ola-pintxoa egingo dute burdinolako txingarretan.

+
Euskal Burdinaren Museoa
Euskal Burdinaren Museoak, Euskal Herrian burdinak izan zuen garrantzia eta historia ulertzeko argibideak ematen dizkigu. Antzinako lanbideak ezagutuko ditugu: olagizonak, meatzariak (maketa eder batek meategi bat aurkezten digu) edo ikazkinak, tamaina errealeko txondor baten bitartez lanbide gogor honetan murgiltzeko aukera dugularik, gainera Euskal Herriko ikazkin famatuenaren historia ere ezagutzeko aukera izango dugu, hau da, Olentzero.

+
Chillida Lantokia
Industrializazioa iristerakoan, burdinolek lantegi handiei utzi zien lekua. Toki paregabe batean, museo bihurtutako antzinako lantegi batean hain zuzen, industria eta artearen arteko harremana erakusten da, Euskal Herriko eskultorerik famatuenetariko baten eskutik, Eduardo Chillida, zein Legazpira, Burdin Haranera etorri zen, gaur egun mundu osoko plaza eta museoetan dauden eskultura monumentalak egitera. Leku honetan eskultorearen paper eta forja-tailerrak erakusten dira, Forja Handiko makinak, gaur egungo ikus-entzunezko sistemak eta langileei elkarrizketak, besteak beste.

+
Erreizabal, artzaintzaren ekomuseoa
Arantza Segurola, Idiazabalgo gazta egiten hainbat sari jaso dituenak, leku paregabean kokatuta dagoen Erreizabal baserriko ateak zabaltzen dizkigu. Bertan artzaintzaren munduan murgiltzen gaitu eta Idiazabal gaztaren prozesua erakusten digu: eman beharreko pausuak, usaina eta azkenik honen zapore berezia.

+
Igaralde, Ogiaren txokoa
Tibur Agirre, Legazpiko landa-auzo politenetariko batean egongo da gure zain, Igaralde-goena baserrian hain zuzen ere, Ogiaren Txokoan. Lehenengo azalpenek baserrien testuinguruan kokatzen gaituzte, antzinako ohiturekin batera. Ondoren, produktu hau lortzeko behar den prozesu guztia ezagutuko dugu, gure zentzumenak lanean jarriz: hazia landatu, jaso, erabiltzen diren erremintak, irina nola lortu, orea eta azkenik ogia. Horretaz gain, XVI. mendeko errota martxan jarriko du eta egurrezko labea ikusiko dugu, gaur egun lanean ‘jo eta ke’ jarraitzen duena.

+
Aikur, Erleen mundua
Josune Epelde gure eskualdeko erlezainak museoan barrena eramango zaituzte. Museoak bi solairu ditu: beheko solairuan, historiarekin, erlezaintzarekin eta polinizazioarekin zerikusia duten hiru arlo daude eta, goiko solairuan, berriz, erleen bizitza da gai nagusia, hau da, nola komunikatzen diren dantzen bitartez, kumearen habia, abaraskak nola egiten dituzten, etab.

+

Gipuzkoan zehar turismoa egitea pentsatzen ari bazarete, ezin duzute Legazpi – Burdin Harana ikusi gabe utzi. Bertan, iraganera bidaiatu eta antzinako burdinoletan murgiltzeko aukera izango duzute. Mirandaola burdinola da horietako bat: bertan Euskal Herrian bakarra den ikuskizuna eskainiko dizuete bertako olagizonek. Baserritarrek ere euren baserrietako ateak zabalduko dizkizuete eta bertan Idiazabal gazta eta sagardoa dastatzeko aukera izango duzue.

Badaude eremu modernoak ere, Chillida-Lantoki museoa kasu eta ezin ahaztu Langileen ibilbidea. Azken honetan, Euskal Herrira etorkizun hobeagoaren bila etorri ziren milaka familien historia ezagutuko duzue.

Burdin Harana Urola ibai buruan dago. Urola ibaia probintziako ibai garrantzitsuenetako bat izan zen bere garaian eta Aizkorriko Parke Naturalean aurki dezakezue haren iturburua. Leku ezin hobea da ihesaldiak, paseoak eta ibilbideak antolatzeko, bertan paisaia eta natura ikusgarriak direlako.

LENBUR Fundazioak edozein motatako eta adin guztietako pertsonentzako planak antolatzen ditu: elkarte, jubilatu, enpresa bisitak, kirol ekintzak…, baina gure berezitasuna familia-planak dira eta horietan haurrak dira protagonistak.

Euskadira bidaia egitea euskal bizimoduaz gozatzea da eta bidaia hasteko modurik hoberena haran xarmagarri hau bisitatzea da. Hemendik hiriburuak bisitatzera joan zaitezkete Donostia, Bilbao, Iruñea,…. eta gertu dituzue beste leku interesgarriak ere: Arantzazu Oñatin, Zerain, Zumarraga, etbar. Burdin Harana ere Gaztaren Ibilbidean, Ignaziotar bidean, etabar dago.