Lanbide Heziketa

Iraganera eramango gaituen bidaia bat proposatzen dizuegu, Metalurgiaren hastapenetatik industrializaziora.

Zergatik dute metalaren sektoreak hainbesteko garrantzia Gipuzkoan eta Euskadin? Nondik dator industria-garapen hori? Galdera horiei erantzuteko Industria Iraultzara jo behar dugu, eta are urrunago ere bai: elektrizitatea iritsi aurretik, nola fabrikatzen ziren metalezko piezak? Uraren indarraz mugitzen ziren euskal burdinolek nazioarteko ospea lortu zuten, 400 urte baino gehiagoz jardunean egon ziren, eta gaur egungo euskal industriaren oinarriak ezarri zituzten.

Esperientzia Mirandaolako Parkean hasiko da. Bertan, Euskal Burdinaren Museoa eta martxan dagoen Mirandaolako Burdinola bisitatuko ditugu: uraren indarraz (Urola ibaia) mugitzen diren gabi hidraulikoa eta hauspoak, egur-ikatzez elikatutako sua, eta burdinaren beroketa eta forjaketa zuzenean ikusiko ditugu. Aukera paregabea izango da transmisio mekanikoa, energiaren eraldaketa eta beroaren eraginpean metalak duen portaera bezalako kontzeptuak benetako ekoizpen-prozesu batean ezagutzeko, ez liburu bateko eskema edo simulazio birtual baten bidez.

Ibilbidea Fabrikan osatuko dugu. Bertan, XX. mendeko mekanizazioa, kate-lana eta artisau-ekoizpenetik serieko industria-ekoizpenera egindako bilakaera ezagutuko ditugu; ikasgelan lantzen dituzuen mekanizazio- eta fabrikazio-teknikekin lotura zuzena duen bisita izango da.

Bisitak Chillida Lantoki ere barne hartzen du. Bertan ikusiko duzue nola egokitu zituzten langileek makinak, ezagutza eta industria-teknikak artearen zerbitzura: milano-isatsak, nitrogeno bidezko tratamenduak, muntaketa-sistemak eta beste hainbat baliabide tekniko.

Burdinazko eskultura ospetsuenetako batzuk nola egin ziren eta horiek sortzeko zer teknika erabili zituzten ezagutuko duzue; Donostiako Haizearen Orrazia adibidez, Patricio Echeverríaren lantegian egin zen.

Aukeran, Burdinaren Euskal Museoan Escape Room esperientzia ere egin daiteke. Burdinaren munduan girotutako enigma eta erronken bidez, logika eta talde-lana praktikan jartzeko aukera izango dute parte-hartzaileek.

Landuko diren edukiak: transmisio mekanikoa eta energiaren eraldaketa, beroketa- eta forjaketa-prozesuak, energia berriztagarriak eta berriztaezinak, mekanizazioa, kateko lana eta prozesu siderurgikoaren bilakaera. Bisita gidatuak material pedagogikoa ere badu.